میرے آقا لاثانی کرو اک نظر در تے آیاں ہاں سن کے فسانہ ترا
میرے آقا لاثانی کرو اک نظر در تے آیاں ہاں سن کے فسانہ ترا
تیرا دادا علی تیرا نانا نبی عظمتاں نال بھریا گھرانہ ترا
دھماں تھاں تھاں تے پیاں تیرے ناں دیاں شاناں ہین اچیاں سیدا تیریاں
ایتھے اک دو دی گل ای نئیں سوہنیا ڈٹھا جگ سارا میں تے دیوانہ ترا
سارے بیٹھے نے مشتاق سرکارلئی بوہے اکھیاں دے کھولے نے دیدار لئی
آوی جا سوہنیا صدقہ حسنین دا منتظر ہے ایہہ سارا زمانہ ترا
ایہہ تیرے جام دی ساری تاثیر اے ہر نظر وچہ مدینے دی تصویر اے
کلے کلے دی نظراں چہ انج جاپدا جیویں کھلیا ہویا اے میخانہ ترا
پوری ہندی سدا آس دل دی روے شاخ اُمید دی ایتھے کھل دی روے
خیر در دے فقیراں نوں ملدی روئے شالا وسدا روئے آستانہ ترا
پنجتن دی عطا اے ترے تے سدا اس عطا دا کرشمہ اساں دیکھیا
اوہدے در تے شہنشاہ بنے نے گدا جیہدی جھولی چه تکیا خزانہ ترا
اللہ اللہ اونہاں تھاواں دے مرتبے جتھے لگے نے آقا قدم آپ دے
اونہاں راہواں نوں دیوانے چمدے ڈٹھے جناں راہاں توں لنگھیا دیوانہ ترا
ترے در دے گدا تا جور ہو گئے ذرے ذرے ترے سیم و زر ہو گئے
مرحلے اوس دے سارے سر ہو گئے جیہڑا بنیاں نظر دا نشانہ ترا
جھکیا در تے ترے ایہ نیازی روے مینوں حاصل ایہو سرفرازی روے
جد تلک ساہنواں والی ایہ بازی روے رواں پڑھدا سدا میں ترانہ ترا