دنیا تے آیا کوئی تیری نہ مثال دا
لَبھ کے لیاواں کِتھوں سوہنا ترے نال دا
سوہنیا درود بھیجے رَب تیری ذات نوں
مُکھ تیرا نُور ونڈے ساری کائنات نوں
شیدا اے زمانہ تیرے حُسن وجمال دا
مکّے رہن والیا مدینے آون والیا
ٹھیڈے کھان والیاں نوں سینے لاون والیا
تیرے بنا ڈگیاں نوں کوئی نہ سنبھال دا
تیریاں تے صفتاں دا کوئی وی حساب نیئں
توں تے کتھے تیریاں غلاماں دا جواب نیئں
حُوراں تائیں روپ ونڈیں حبشی بلالؓ دا
ہوکا پیادیوے تیرے سچّیاں پیاراں دا
جیوندا اے ظہوری ناں لے کے تیرے یاراں دا
گولا اے تیرا تیرے در دا تیری آل دا