آیا عرب دا آج سردار اے
جہدے صدقے کُل سنسار اے
طہ اوہدا مکھڑا تے واضحی پیشانی ایں
ہر چیز اُتے بس اوہدی حکمرانی ایں
دو جنگ دا اوہ کلی مختار اے
رب دا پیارا اے تے جگ دا سہارا اے
آمنہ دا لال تے حلیمہ دا دلارا اے
ساری اوس دے ای دم دی بہار اے
جگ وچ اوسدے ای نُور دے نظارے نے
زرے سارے بن گئے جہان دے ستارے نے
اوہدے نوروں وجی ایسی چمکار اے
خوشیاں منائیاں آج جگ تے یتیماں نے
سُنیاں صداواں گھر بیٹھ کے حلیمہ نے
جاہ نی! آیا آج تیرا دلدار اے
آئیاں نے بہاراں آج ہور وی بہاراں تے
کرم آج کیتا صائم رب گنہگاراں تے
بیڑا عاصیاں دا ہویا آج پار اے