اے امیرِ حرم! اے شفیعِ اُمم
اے امیرِ حرم! اے شفیعِ اُمم! بے سہاروں پہ اپنی نظر کیجئے
جُرم عصیاں میں‘ آقا ‘ سزاوار ہیں ‘ درگزر کیجئے ‘ در گزر کیجئے
آپ ہیں اپنے خالق کے محبوب بھی اس گنہگار اُمت کے مطلوب بھی
کب سے نیّا ہماری ہے گرداب میں ‘ اب کرم شاہِ جن و بشر کیجئے
وقت کا بُو لہب جب بھی کھولے زباں وہ جہاں میں نہ پائے کہیں بھی اماں
جو بھی گستاخ ہے میری سرکارؐ کا اُس کو واصل بہ نارِ سقر کیجئے
عاصیو تھام لو دامنِ مصطفٰےﷺ ‘ ہے انہی کی رضا میں خُدا کی رضا
زندگی اُن کی طاعت میں کیجئے بسر ‘ ان کی طاعت کو زادِ سفر کیجئے