ایہہ سب جلوے ایہہ سب روشن نظارے
بنے صدقے میرے آقا دے سارے
میں اوہدی گردِ پا توں وار دیواں
چمکدا چن تے ہسدے ستارے
خُدا شاہد اوہ پیارے نے خُدا دے
مرے محبوب نوں جو وی نے پیارے
جدوں وی وگڑ دی تقدیر عالم
اِشارا اوس دا پل وچ سنوارے
ہے شاہی اوس دی کون و مکاں تے
تے سُورج من دا اوہدے اشارے
جو دامن چھڈ دیندے مصطفى دا
اوہ کُونجاں وانگ کد رل دے نے ڈارے
نبی دی آل دی خیرات اتے
پئے ہندے نے صائم دے گزارے
شاعر کا نام :- علامہ صائم چشتی
کتاب کا نام :- کلیات صائم چشتی