اکھاں تکدیاں راہ راہ گزرتے نگاہ ساڈے ولوں وی ہن تے گزر سوہنیاں
پھیر نہ در بدر کر کرم دی نظر تیرا وسدا رئے سوہنا نگر سوہنیاں
یا نبی مصطفی یا حبیب خدا سانوں ہر دم ترے نام دا آسرا
صدقہ دربار دا لین آئے گدا کاسے سبنھاں فقیراں دے بھر سوہنیاں
لیکھاں وچ دُوریاں لکھاں مجبوریاں تیرا ہو وے کرم ہون منظوریاں
دور روضہ تیرا کیویں پہنچے گدا نہ ایں زر کول میرے نہ پر سوہنیاں
پائیاں سلطاناں تیتھوں ای سلطانیاں اولیا انبیاء کرن دربارنیاں
شاہ بن کے گدا بھیک منگدے سدا توں زمانے دا ایں تاجور سوہنیاں
ساری دنیا کرے احترام اوس دا وچہ دنیا دے رہندا اے نام اوس دا
جگ رہندا اے ہو کے غلام اوس دا تیری جیہدے تے ہو گئی نظر سوہنیاں
نین روندے نے روضے دے دیدار نوں در تے سدلیو نیازی گنہگار نوں
عشق ہو وے ترا ہم سفر بس مرا جد مدینے دا ہو وے سفر سوہنیاں