اپنی ضد کا ثبوت اس طرح ہوا دیتی تھی
اپنی ضد کا ثبوت اس طرح ہوا دیتی تھی
میری پلکوں پر چراغوں کو جلا دیتی تھی
سبز گنبد کی فضا پاس سے جب دیکھتا تھا
وہ مجھے سورۂ رحمٰن سنا دیتی تھی
آسماں پر ہی رہا اُن گلی کوچوں میں دماغ
کیا بیاں کیجیے کیا لغزشِ پا دیتی تھی
جو بھی جاتی تھی گلی رحمتِؐ عالم کی طرف
تیرہ راتوں میں بھی آنکھوں کو ضیا دیتی تھی
ناز کر ناز کہ آقاؐ نے بلایا اختؔر
ہر نئی موج مرے دل میں صدا دیتی تھی