عرض کیتی جبریل تلیاں نوں چُم کے چلو آقا رب دا پیام آگیا اے
سواری لئی در تے براق آیا تے واگاں پھڑن نوں غلام آ گیا اے
جاں اقصیٰ چہ پہنچے محمد ﷺ پیارے نبی سن کھڑے انتظاری چہ سارے
تے نبیاں نوں آدم نے فرمان کیتا صفاں ٹھیک کر لَو امام آ گیا اے
جاں پہنچے فلک اُتے جگ دے سہارے تے راہواں دیوچ جاندے وچھدے سی تارے
سی فرمان سارے ملائک نوں ہویا جُھکو سارے خیر الانام آ گیا اے
محمد دے پیراں چہ سر نوں نوا کے ، عرض کیتی جبریل سدرہ تے جا کے
میں اَگے نہیں اک پیر جا سکدا آقا میرا آخری ایہ مقام آ گیا اے
خدا جانے کیسی ملاقات ہوئی ، یا جانے نبی کی سی گل بات ہوئی
بس ایناں پتہ عاصی اُمت لئی سوہنا شفاعت دا لیکے انعام آ گیا اے
ہے ایہہ رات منگن دی جھولی پھیلاؤ، تے انعام سوہنے محمد ﷺ توں پاؤ
پڑھو سارے صلِ علیٰ مِل کے صائم زباں نے محمد دا نام آگیا اَے