اے خدا شکر کہ اُن پر ہوئیں قرباں آنکھیں
اے خدا شکر کہ اُن پر ہوئیں قرباں آنکھیں
اُن کی دہلیز پہ رکھ آیا ہوں گِریاں آنکھیں
گنبد ِ سبز کے جلووں نے کیا ہے سیراب
کتنی شاداب ہوئی جاتی ہیں ویراں آنکھیں
ہر گھڑی ان میں مدینے کے اُجالے اتریں
اے خدا کر دے مرے دل کی فروزاں آنکھیں
جب نظر آئیں گے محشر میں شفیعِ محشرؐ
مسکرا اٹھیں گی میری بھی ہراساں آنکھیں
اُنؐ کے قدموں سے ملی دونوں جہاں کی تسکیں
جگمگا اُٹھی ہیں اب میری بھی حیراں آنکھیں
بس گئی جب سے بصارت میں سنہری جالی
آگئیں وجد میں فیضیؔ مری بے جاں آنکھیں