بن کملی کملی والے دی پھراں طیبہ دے بازاراں وچ
بن کملی کملی والے دی پھراں طیبہ دے بازاراں وچ
میں اپنا ناں لکھوا آواں اوہدے دردے خاص میخواراں وچ
اوہ اکو اک تے سوہنا ایں جہنوں چنیاں رب اکبر نے
توں سینکڑیاں وچ لبھناں ایں اوہدی مثل نہیں لکھ ہزاراں وچ
سوہنے نوں سلاماں کرن لئی سوہنے دی چوکی بھرن لئی
دن رات فرشتے اوندے نے کر ادب آداب قطاراں وچ
میں یار دے نام نوں چھڈ نائیں کہندے کی بلال امید نوں
توں نال خوشی دے ماری جا مینوں مزا ہے اوندا ماراں وچ
ابو بکر عمر عثمان علی ایہہ راکھے دین اسلام دے نے
ایہ یار نے کملی والے دے پا فرق نہ ایہناں چاراں وچ
لج پال زمانے سارے دا اوہ لاڈا رب اکبر دا
امت دی بخشش دی خاطر رہیا روندا سوہنا غاراں وچ
سو نہہ رب دی نیازی فکر نئیں محشر دا او گہناراں نوں
سنیاں ایس کملی والے نے ہونا ایں او کہناراں وچ