دہر کے ہادی شاہِ ہُدا مالکِ کوثر صلِ علی ٰ
دہر کے ہادی شاہِ ہُدا مالکِ کوثر صلِ علی ٰ
وجہ بِنائے اِلا للّہ ختمِ پیمبرؐ صلِ علی ٰ
آپ سے بڑھ کر کوئی نہیں آپ سے بہتر کوئی نہیں
سب ہیں افضل اور برتر سب سے ہیں بہتر صلِ علی ٰ
مظہرِ ذاتِ رب عُلا مرکزِ چشم و فکر و رسا
پشت پناہِ ہر دوسرا شافع ِ محشر صلِ علی ٰ
آپ کی ہے ہر سو تنویر کیسا قمر کیا مہر ِ مُنیر
آپ کی ہے تابانی سے دہر منّور صلِ علی ٰ
کون نہیں ممنونِ کرم کس کی نہیں ہے گردن خم
صاحبِ لطف و جود و سخا ساقی ِ کوثر صلِ علی ٰ
آپ ہیں نبیوں کے سرتاج آپ نے پائی ہے معراج
نوؑح کے ہمدم کیا کہنا خضرؑ کے رہبر صلِ علی ٰ
طیبہ کی ہے حسرت بہؔزاد رہتا ہوں میں ہر دم نا شاد
رہتا ہے اکثر لب پہ درود کہتا ہوں اکثر صلِ علیٰ