ایہ محفل کرماں والی اے سبحان الله ، سبحان الله
اہدا ہر اک رنگ جمالی اے سبحان الله ، سبحان الله
مکھ بدر تے اکھ مازاغ بصر سر اتے تاج ہے طہ دا
موہڈے تے کملی کالی اے سبحان الله ، سبحان الله
دو جگ دا والی آیا اے پھلاں تے روپ سوایا اے
پئی پڑھدی ڈالی ڈالی اے سبحان الله ، سبحان الله
گل لاوے چکڑ بھریاں نوں پاوے خیر دوارے کھڑیاں نوں
سوہنے دی طبع نرالی اے سبحان الله ، سبحان اللہ
دو جگ وچ کملی والے جیہا نہ ہو یا تو کوئی ہونا ایں
اوہدی شان تے عظمت عالی اے سبحان الله ، سبحان الله
اوہ جان ہے کل جہاناں دی اوه شان ہے ساریاں شاناں دی
اوہدا ہر اک نبی سوالی اے سبحان الله ، سبحان الله
ہے داتا دوہاں جہاناں کوئی انت نہیں اوہدیاں شاناں دا
اوہ کل دنیا دا والی اے سبحان الله ، سبحان الله
دکھ دور نیازی دے کیتے نالے چاک جگر دے چاہتے
لج پال نے انچ لج پالی اے سبحان اللہ سبحان الله