گدا ہاں سوہنے دا سوہنے دے در صدا دیواں
مدینے پاک دی خیرات نوں دُعا دیواں
میرا حبیب جے آوے کدی میرے ولے
قدم قدم تے میں پلکاں تے دل وچھا دیواں
حیات کی اے جے سو وی حیاتیاں ہوؤن
ملے حبیب تے کر اوس توں فدا دیواں
جگاوے درد مدینے دا سوناں جے چاہواں
کتے جے درد نے سوندے تے میں جگا دیواں
غبار دل دا بٹھاون لئی اوہدے آون تے
جے چلے دس تے میں ہنجواں دا مینہ ورھا دیواں
میرا کریم جے آوے کدی کرم کر کے
میں دِل نوں چیر کے نام اوسدا ویکھا دیواں
ہے ایہو منگیا میں اپنے کریم توں صائم
میں اوہدی نعت دے ناویں حیات لا دیواں