ہے سکونِ قلب کا سامان نعتِ مصطفی
ہے سکونِ قلب کا سامان نعتِ مصطفی
عاشقانِ مصطفی کی جان نعتِ مصطفی
خود خدائے پاک کرتا ہے ثنا سرکار کی
دیکھ لو ہے سب کا سب قرآن نعتِ مصطفی
آرزو ہے میں بھی کہلائوں ثنا خوانِ نبی
دوجہاں میں ہو مری پہچان نعتِ مصطفی
عشقِ شاہِ انبیا کو بخشتی ہے یہ جِلا
اور تازہ کرتی ہے ایمان نعتِ مصطفی
کیا سماں ہوگا وہ آصف سامنے سرکار کے
پیش کرتے ہوں گے جب حسان نعتِ مصطفی