ہے تیرا شان نبیاں تھیں اچیرا یا رسول اللہ
ہے تیرا شان نبیاں تھیں اچیرا یا رسول اللہ
ہے دو عالم دے اندر راج تیرا یا رسول اللہ
زمانہ کس طرح بھلے تیری بندہ نوازی نوں
ترا احسان امت تے بتھیرا یا رسول اللہ
رہیوں مہمان بن کے رات ساری لامکاں اتے
تے مڑ مکے چہ آکیتا سویرا یا رسول اللہ
چلو ایہہ من لینے آں گئے نے پہنچ چن تیکر
تیرا عرشاں توں وی آگے ہے پھیرا یا رسول اللہ
ترے عشاق دا کعبہ ترے مستاندی ہے جنت
تساں جہیڑی جگہ لایا اے ڈیرہ یا رسول اللہ
گھڑی محشر دی او کبھی اسے نظر رکھناں نیازی تے
نہیں کوئی سہارا ہور میرا یا رسول اللہ
میں جو وی ہاں ترے درباردا منگتا تے ہاں آخر
بھرو دامن کرم دے نال میرا یا رسول اللہ