ہر پاسے عربی ماھی دے انوار دیاں تنویراں نے
سب عالم قیدی کیتا اے اوہدی زُلف دیاں زنجیراں نے
کی داں شان کی رکھدے نے سوہنے دے یداللہ ہتھے دونویں
اک ہتھ وچ تیغ فتحنا دی اک ہتھ وچ سب تقدیراں نے
مازاغ دے اکھیاں وچ ڈورے وِچ سُرمہ طغی دا پھبدا اے
والفجر جبیں دیاں کرناں وچ قرآن دیاں تفسیراں نے
ایہہ عاشق صادق جان دے نے سجناں دے شہر دی عظمت نوں
طیبہ دی اک گٹھ تھاں بدلے جنہاں دتیاں وار جاگیراں نے
مینوں قسم خُدا دی سوہنے دی رحمت نے جوش چہ آجانا
جد جانا ایں اوہدے دَر اُتے آساں عاصیاں پر تقصیراں نے
ایہہ کہکشاں صائم سوہنے دے راہواں دی دُھوڑ دا نقشہ اے
اوہدی خاک قدم مل مُکھڑے نے لیا چانن بدر منیراں نے