Download Har samt ye sada hai sarkar aarhy hain as Beautiful Image | Naat sharif lyrics

ہر سمت یہ صدا ہے سرکار آرہے ہیں

ہر سمت یہ صدا ہے سرکار آرہے ہیں

رب کی ہُوئی عطا ہے سرکار آرہے ہیں

حُورو ملک کے لب پر خوشیوں کے ہیں ترانے

تکرارِ مرحبا ہے سرکار آرہے ہیں

ہر سمت روشنی ہے ظُلمت بھی چھٹ گئی ہے

دنیا میں نورِ رب کی آمد کی اب گھڑی ہے

گھر آمنہ کا رشکِ فردوس ہو گیا ہے

کیسا شرف مِلا ہے سرکار آرہے ہیں

اے بے بسو! مبارک اے بے کسو! مبارک

نادار! بے مرادو! آفت زدو! مبارک

کرنے کرم سے شاداں راحت کالے کے ساماں

اب خوف تم کو کیا ہے سرکار آرہے ہیں

پھولوں میں تازگی ہے بلبل کی نغمگی ہے

فصلِ بہار آئی جوبن پہ ہر کلی ہے

آرائیشیں جہاں میں کیا خوب ہو رہی ہیں

مہکی ہُوئی فضا ہے سرکار آرہے ہیں

مکے سے جبکہ ہجرت فرما کے آئے حضرت

طیبہ کی بچیوں نے خوش ہو کے پھر نہایت

شوق و ادب سے گائے نغمات مرحبا کے

ہر لب پہ واہ وا ہے سرکار آرہے ہیں

تانبے کی ہے زمیں بھی ہے دھوپ تیز گرمی

خورشید بھی ہے سر پر ہے پیاس بھی بلا کی

برپا ہُوا ہے محشر لو پلانے جامِ کوثر

اک شور مچ گیا ہے سرکار آرہے ہیں

محفل کو وجد آیا کیف و سُرور چھایا

ہونے لگا ہے چرچا مرزا کے اِس سُخن کا

میلاد مصطفیٰ کی پُر نور ساعتوں میں

عُشاق نے پڑھا ہے سرکار آرہے ہیں

ہر سمت یہ صدا ہے سرکار آرہے ہیں

Naat Image