حضورؐ ہی کے کرم سے بنی ہے بات میری

حضورؐ ہی کے کرم سے بنی ہے بات میری

حضور ؐپر ہو فدا ساری کائنات میری

---

انہی کی یاد میں رو رو کے دن گزارا ہے

اُنہی کے ذکر سے روشن ہوئی ہے رات میری

---

حضورؐ ہی کا تصور میری عبادت ہے

حضورؐ کے ہی وسیلے سے ہے نجات میری

---

درِ حبیبؐ سے ہستی کو مل گیا عنواں

وگرنہ کون ہو ں میں اور کیا ہے ذات میری

---

نکل رہے ہیں جو یاد ِ رسولؐ میں آنسو

یہی درود میرا ہے یہی صلٰوۃ میری

حضورؐ ہی کے کرم سے بنی ہے بات میری