جلوہ فطرت، چشمہ رحمت، سیرتِ اطہر ماشاءاللہ
جلوہ فطرت، چشمہ رحمت، سیرتِ اطہر ماشاءاللہ
حسنِ مکمل، فیضِ مسلسل، خیرِ سراسر ماشاءاللہ
سب نے سُنا اعلانِ رسالت، تقویٰ ہے معیارِ فضیلت
یکساں ٹھہرے ابیض واسود، اصفر و احمر ماشاءاللہ
صورتِ فاتح غالب ہو کر، داخلِ مکّہ جب ہُوے سرورؐ
ناقے پہ آئے سر کو جھکائے حمد لبوں پر ماشاء اللہ
شانِ قناعت کا ہے شاہد، خندق کا ہر ایک مجاہد
ضربِ نبیؐ نے فتح و ظفر کے کھول دیے در ماشاءاللہ
مونس و ہمدم ذکرِ خدا ہے ، معرفتِ حق سرمایا ہے
شوق ہے مرکب، صبررداہے، شانِ پیمبرؐ ماشاءاللہ