جے سوہنا بلا وے مدینے نوں جاواں
جے سوہنا بلا وے مدینے نوں جاواں
مدینے نوں چھڈ کے میں مڑ کے نہ آواں
محمد دے روضے دی چم چم کے جالی
کدی سینے تے کدی اکھیاں نوں لاواں
مدینے شہر دیاں گلیاں دے اندر
تیرا نام لے لے کے دیواں صداواں
حیاتی گزر گئی اے عرضاں چہ میری
اجے تک نیں میرا بولیا ناواں
جتھے وسدا دو جہاناں دا والی
اوہ عرش معلی توں اچیاں نے تھاواں
جیہڑے ہین سگ مصطفے دی گلی دے
ادب نال اوہنا نوں سینے لگاواں
میں گانواں کیوں اوہدے ناں نوں نیازی
جیہدے ناں دا صدقہ میں ہر ویلے کھاواں