جِس منگیا درد محبت دا اس فیر دوا کیہہ کرنی ایں
جِس منگیا درد محبت دا اس فیر دوا کیہہ کرنی ایں
بیمار مدینے والے دا ہووے تے شفا کیہہ کرنی ایں
ہر شے سرکار دا صدقہ اے، سوہنے دربار دا صدقہ اے
منگ اللہ توں در سوہنے دا توں ہور دعا کیہہ کرنی ایں
خوش بخت اوہ ٹھنڈک سینے دی جنہوں نسبت ملی مدینے دی
جدھے وچہ سرکار دی مہک نئیں اوہ ٹھنڈی ہوا کیہہ کرنی ایں
ناں ہووے لباس تے سوہنے دا میں موت نوں اٹھ کے آپ ملاں
اللہ نہ کرے اوہدی یاد بِناں آوے جے قضا کیہہ کرنی ایں
جے دل دے وچہ گداز نئیں، سچ آکھاں فیر نماز نئیں
جے قلب نہ سر دے نال جھکے، ایویں رسم ادا کیہہ کرنی ایں
جے کامل ہتھ مہاراں نیں قابو وچہ سوچ وچاراں نیں
نسبت جے ظہوریؔ حاصل نئیں اوہنے صفت و ثنا کیہہ کرنی ایں