جتھے پڑھو سلام نبی تے سُن دے ہین حضور
رہویں سلام نبی نوں گھل دا دُکھ ہوون گے دُور
ہور بتھیرے تینوں اللہ دیوے گا انعام
سوہنے نبی تے لکھ سلام سوہنے نبی تے لکھ سلام
پڑھیں درود سلام جدوں وی رکھیں خاص خیال
شامل وچ درود ترے دے رہوے نبی دی آل
آل دا دامن چھڈ دتا تے ہوویں گا ناکام
سوہنے نبی تے لکھ سلام سوہنے نبی تے لکھ سلام
صائم ایہہ پاک نبی دی پاک حدیث کمال
وچ درود دے شامل میرے نال ہے میری آل
پڑھو ورور تے ہو جاندی اے مشکل حل تمام
سوہنے نبی تے لکھ سلام سوہنے نبی تے لکھ سلام