کرم دی اک نظر سرکار ہووے
کرم دی اک نظر سرکار ہووے
میں ہوواں تے ترا دربار ہووے
میں تیتھوں ہور کچھ منگدا نئیں مولا
اکھاں دے سامنے بس یار ہووے
جنہاں کھاہدے نبی دے دور دے ٹکڑے
نظر اوناں دی عرشوں پار ہووے
اوہنوں ساری خدائی پیار کر دی
جنہوں پیارے نبی تھیں پیار ہووے
مری مدت توں ایہو آرزو اے
مدینے وچ مرا گھر بار ہووے
کدی تے میرے ستے بخت جاگن
کدی تے آپ دا دیدار ہووے
زمانے دے غماں دا غم نہیں کردا
جہدا سوہنا نبی غم خوار ہووے
میں ستیاں ستیاں جا پہنچاں مدینے
مقدر جے کدی بیدار ہووے
نیازی راضی ہووے جس تے سوہناں
اوہدے ورگا نہ وچہ سنسار ہووے