کردا رہو سوہنے دیاں باتاں اک دن سوہنا آجاوے گا
پڑھدا رہو ہر ویلے نعتاں اک دن سوہنا آجاوے گا
پُھل درود سلام دے گجرے ہنجواں تے نعتاں دی ڈالی
کٹھیاں کر لے ایہہ سوغاتاں اک دن سوہنا آجاوے گا
سورت فجر دی فجرے اُٹھ کے کریا کر ہر روز تلاوت
مک جاون گیاں کالیاں راتاں اک دن سوہنا آجاوے گا
اوہدے نام دے دیوے بال کے بہہ جاویں تے ونڈی جاویں
اوہدے نام دیاں خیراتاں ، اک دن سوہنا آجاوے گا
خُون جگر دا لے کے دل تے روضے دی تصویر بنا لَے
ٹھپ دے کاغت قلم دواتاں اک دن سوہنا آجاوے گا
دل دے داغ غبار جگر دا ہنجواں باہجھ ناں دُھپ سکدا اے
کریا کر حالی برساتاں اک دن سوہنا آجاوے گا
روضے وچ خیال جما کے کر کے مونہہ طیبہ دے ولے
پڑھدا رہو صائم صلٰوتاں اک دن سوہنا آجاوے گا
شاعر کا نام :- علامہ صائم چشتی
کتاب کا نام :- کلیات صائم چشتی