کی کی نئیں کیتا یار نے اک یار واسطے
کی کی نئیں کیتا یار نے اک یار واسطے
رب محفلاں سجائیاں نے سرکار واسطے
دل یاد لئی بنایا اے تعریف لئی زباں
اکھیاں بنائیاں سوہنے دے دیدار واسطے
کئیاں نوں روز ہندے نے دیدار آپ دے
کئی تڑپدے نے سوہنے دے دیدار واسطے
صدقہ نبی دی آل دا بخشے خدا شفا
منگو دعاواں میرے جئے بیمار واسطے
رحمت اوہدی نے لے لیا اپنی پناہ وچہ
پائے جدوں میں سوہنے نوں دو چار واسطے
اللہ نے فرشاں عرشاں تے لائیاں جو رونقاں
کھیڈاں رچائیاں سوہنے دے سب پیار واسطے
سدلے مدینے والیا اوناں نوں ہن تے کول
عرضاں جناں نے کیتیاں دربار واسطے
لنگھ گئی حیاتی ساڈی تے عرضاں کریندیاں
پئے تڑپدے آں سوہنے دے دیدار واسطے
گذرے نیازی زندگی سوہنے دے عشق و چہ
نعتاں میں پڑھدا راں مشھل من ٹھار واسطے