لازم ہے شہرِ ناز میں جائے تو جب اے دل

لازم ہے شہرِ ناز میں جائے تو جب اے دل

جائے بصد نیاز بشرطِ ادب اے دل

---

خواہش ، خیال ، آرزو ، باقی نہ کچھ رہے

اک خود سپردگی ہو وہاں بے طلب اے دل

---

منظر وہ حسنِ دید کا ٹھہرا رہے سدا

پھر مُو بہ مُو بھی آنکھ ہو دیکھے جو سب اے دل

---

سانسوں سے میں درود کا وردِ دروں کروں

مہکے سلام تیرے دریچوں سے جب اے دل

---

قدموں میں ان کے جان بھی اپنی میں وار دوں

ہوش و خردبھی ساتھ ہی تیرے ہوں سب اے دل

---

بھٹکے گی میری جان کہاں در بدر بھلا

پا ئے گی وہ سکون وہیں بے سبب اے دل

---

ان کا کرم کہ نعت بھی کہتا ہے اب ظفر

اس بے نوا فقیر سےممکن تھا کب اے دل