لاثانی و لاثانی دلدار بڑا سوہناں
الله دی سونہہ مرشد دا گھر بار بڑا سوہناں
کی کی میں کراں صفتاں اپنے لج پال دیاں
ہے نقش لاثانی دا کردار بڑا سوہناں
اوہدی جادو بھری اکھیاں اوہدے بول بڑے مٹھڑے
کسے ہور دی گل کاہدی میرا یار بڑا سوہناں
جی بھر کے کرو عرضاں لاثانی دے ثانی نوں
لج پال نے لایا اے دربار بڑا سوہناں
اوہدی یاد بھلا دل چوں میں کیوں بھلا دیواں
کیا اے غلاماں تھیں جس پیار بڑا سوہناں
تقدیر بدل چھڈی لاثانی دی نسبت نے
کر چھڈیا اے کوہجیاں نوں سرکار بڑا سوہناں
مے خانہ بڑا سوہناں ساقی وی بڑا سوہناں
اس میکدے دا ہر اک مے خوار بڑا سوہناں
میں نام لواں کہدا میں بات کراں کسی دی
ہے نقش لاثانی دا ہر یار بڑا سوہناں
غم اون نیازی جے مینوں غم نہیں کسے غم دا
دے چھڈ یا خدا مینوں غم خوار بڑا سوہناں