لے جائیں مدینے وائے نی
لے جائیں مدینے وائے نی
پیغام اساں دکھیاراں دا
ہتھ بنھ کے عرض سلام کریں
آسان عاجزاں او گنہاراں دا
ایہ عرض گزاریں روضے تے
سد لو ہن درداں مارے نوں
ہن بھار نہ چکیا جاندا اے
فرقت دیاں بھاریاں بھاراں دا
میرے سوہنے تے من موہنے نوں
میرا حال سناویں رو رو کے
میرے دل اجڑے چمن اندر
آیا نئیں سماں بہاراں دا
میرے واسطے اونا مشکل اے
تیرے لئی تے بلاؤنا مشکل نیئں
اے چارہ گر بے چاریاں دے
کر چارہ ہن لاچاراں دا
میری آخری ایہو حسرت اے
میرا ایہو شوق اخیری اے
دم آخر میرا سر ہووے
در ہو وے بس دلداراں دا
میری آکھیاں اگے ہر ویلے
رہندے نے نقش مدینے دے
ناں لوں لوں دے وچ رچیا اے
اوہناں حسن دیاں سرکاراں دا
جنوں دیکھو اُس دی فرقت ویچ
پیا ہاواں ہو کے بھردا اے
اوہدی سب خلقت متلاشی اے
اتھے ذکر نئیں پنجاں چاراں دا
کر شکر نیازی اللہ دا
تینوں چن لیا کملی والے نے
مل پے گیا اسدے در اتے
تیرے ہنجواں دے آج ہاراں دا