مدینے شہر دے میں ہر گلی بازار توں صدقے
مدینے شہر دے میں ہر گلی بازار توں صدقے
دیارِ یار تیرے ہر در و دیوار توں صدقے
مرا دل چیریا کاہدا غم ہستی مٹا چھڈیا
نگاہِ یار میں تیرے ترکھے وار توں صدقے
زمیں توں لامکاں دا فاصلہ اک پل چہ طے کیتا
اے عربی شہسوارا اس تیری رفتار توں صدقے
محبت نال چادر دُشمناں تھلے وچھا دینی
شہنشاہا تیرے اِس خُلق دی تلوار توں صدقے
کوئی دند توڑ دا اپنے کوئی چڑھدا اے سولی تے
محمد مصطفی دے پیاریاں دے پیار توں صدقے
نہ واعظ روک صائم نوں کرن دے یارنوں سجدہ
اوہ سر کاہدا اے ناں ہووے جو پائے یار توں صدقے