ماہی مدینے والا جگ سارا جاندا
اکھیاں دی ٹھنڈ نالے چین ساڈی جاندا
تیرے مونہوں گل جیہڑی نکلے اوہ تیر اے
جِیہڑا توں اشارا کریں اوہو تقدّیرا ے
رُتبہ نہ ڈِٹھا ایڈا کسے انسان دا
اکھیّاں دی ٹھنڈ نالے چین ساڈی جاندا
تیرے بِناں ربّ دی پچھان کدی ہووے نہ
تیرے بِناں رب مہربان کدی ہووے نہ
جِنّھوں توں پچھانیں رب اوسے نوں پچھاندا
اکھیاندی ٹھنڈ نالے چین ساڈی جاندا
ربّ نے لولاک والا تاج تینوں بخشیا
راج تینوں بخشیا معراج تینوں بخشیا
پیدا کوئی ہویا اے نہ ہوسی تیری شان دا
اکھیّا ندی ٹھنڈ نالے چین ساڈی جاندا
اساں گنہگاراں لئی جند جان واردِتی
فاقیاں دے وچ ساری عمر گذار دِتّی
کیوں نہ اعظؔم آکھاں اوہنوں مان دو جہاندا
اکھیّاں دی ٹھنڈ نالے چین ساڈی جاندا
شاعر کا نام :- محمد اعظم چشتی
کتاب کا نام :- کلیاتِ اعظم چشتی