مرا محمد میرا سہارا ، میرا محمد ہی آسرا اے
میرے محمد دے در دی مٹی ہی سارے آلام دی دوا اے
میرا محمد کرم دا مصدر ، میرا محمد عطا دا محور
میرے محمد دے در دا ہر اک رسول و مُرسل ولی گدا اے
میرے محمد دا روئے اطہر ہے سورہ طہ دا عکس کامل
مرے محمد دا مُڑھکا لَے کے ہی گل وی لالہ وی مہکدا اے
میرے محمد دا ہر مکاں اے میرے محمد دا لا مکاں اے
ہے دل محمد ہی دائرے دا میرا محمد ہی دائرہ اے
میرے محمد دی ہر ادا ای ہے اوہدے اکرام دا حوالہ
الٰہ و آدم دے واسطے دا مِیرا محمد ای واسطہ اے
میرا اے مولا میرا محمد ، میرا ہے ڈھولا میرا محمد
کدوں سی صائم کدوں اے صائم اہدا کرم اے اہدی عطا اے