مرے آقا میری بگڑی بنا دے
مرے آقا میری بگڑی بنا دے
مری کشتی کنارے تے لگادے
میں مر چلیاں ہاں تیرے ہجر اندر
میرے دُکھ ہن تے محبوبا مٹا دے
ترے والفجر چہرے توں میں صدقے
کدی سُفنے دے وچ مکھڑا دکھا دے
غماں نے پالیا گھیرا چفیرے
مدینے والیا دُکھڑے مُکا دے
بس ایہو آرزو اے ہن تے مینوں
مدینے پاک دی مٹی بنادے
تِرا وَسدا رہوے سوہنا مدینہ
اساڈی جھوک وی آقا وسا دے
جدوں آجاوندی ٹھر دا اے سینہ
میں صدقے شہرِ طیبہ دی ہوا دے
میں رو پیندا ہاں صائم یاد کر کے
مناظر شهر خوباں دی فضا دے