میرے گلشن چہ طیبہ دی سدا ٹھنڈی ہوا آوے
لباں تے اس دعا باہجھوں نہ کوئی وی دعا آوے
تصور وچہ رہن ہر دم مدینے پاک دے جلوے
زباں تے مصطفے خیر الوریٰ صلی علی آوے
غذا روح دی سکوں دل دا تے ٹھنڈک ہے نگاہواں دی
نبی دا ذکر سن سن کے سرور آوے مزا آوے
کرم دی بھیک ملدی اے میرے سوہنے دی محفل چوں
ہے شرط اینی مدینے والے دا بن کے گدا آوے
اوہدے لیکھاں مقدراں تے زمانہ رشک کردا اے
جیہڑے خوش بخت نوں سوہنے دے روضے تے قضا آوے
اکھاں ہنجواں تھیں بھر جاون تے دل بے چین ہو جاندا
جدوں میرے خیالاں وچہ مدینے دی فضا آوے
عقیدت تے محبت دا نیازی ایہہ تقاضا اے
سنو نام جد سوہنے دا دروداں دی صدا آوے