میرے پلے تے بس ہوکے تے ہاواں یارسول اللہ
خدارا دینیاں مینوں پناہواں یارسول اللہ
کدی تشریف لے آؤ تے مک جاون ایہہ دُکھ میرے
چراں توں مل کے بیٹھا ہاں راہواں یا رسول اللہ
زمانہ گذریا اے روز ایہو حال ہے میرا
بنا کے محل آساں دے میں ڈھاواں یارسول اللہ
سوایا ہو کے مڑ مینوں دبائی جاوندا تھلے
غماں دا بھار جناں وی میں لاہواں یا رسول اللہ
مدینے پاک وچہ مر کے تے دفن اوتھے ای ہو جاواں
بس ایہو ہُن خُدا کولوں میں چاہواں یارسول اللہ
کرم صائم تے فرماؤ تے اپنے کول بلواؤ
نبھانا ساتھ کد تیکر اے ساہواں یارسول اللہ