مِل جاون یار دیاں گلیاں اساں ساری خدائی کیہہ کرنی
مِل جاون یار دیاں گلیاں اساں ساری خدائی کیہہ کرنی
محشر وِچ ساڈی بن جاوے دنیا دی بنائی کیہہ کرنی
اسیں چپ چپ دکھڑے سہنے آں دنیا نوں کجھ نئیں کہنے آں
ناں یار دا لیندے رہنے آں اساں حال دہائی کیہہ کرنی
جس دن دیاں اکھیاں لا بیٹھے اکھیاں دا چین گوا بیٹھے
دلدار دے در تے آ بیٹھے اساں ہور کمائی کیہہ کرنی
جہڑا عشق دے وچہ برباد ہووے دراصل اوہو آباد ہووے
جد چل وچہ یار دی یاد ہووے اوہنے پریت پرائی کیہہ کرنی
نیت نے پار لنگھانا ایں عملاں نے ساتھ نبھانا ایں
جے اندروں میل نہ جانا ایں باہر دی صفائی کیہہ کرنی
لج پال دے تاں نیوں لائیے ہر دکھ تے مصیبت گل پائیے
اک در دے ظہوریؔ ہوجائیے در در دی گدائی کیہہ کرنی