محمد دا رتبہ خدا کولوں پُچھو
محمد دا رتبہ خدا کولوں پُچھو
خدا دی ثناء مصطفےٰ کولوں پُچھو
کویں سوہنا روندا سی امت دی خاطر
ذرا جا کے غارِ حرا کولوں پُچھو
مزا تپدیاں پتھراں دا کیہہ ہندا
بلالِؓ حبش دی صدا کولوں پُچھو
کویں نیتیاں عاشقاں نیں نمازاں
ایہہ منظر ذرا کربلا کولوں پُچھو
ادا کیتی سُنت کویں مصطفےٰ دی
اویسؓ عاشقِ پارسا کولوں پُچھو
ظہوریؔ دعا دا اثر جے نہ ہووے
تے فیر اپنے رب دی رضا کولوں پُچھو