محمد مصطفے آئے بہار آئی بہاراں تے
مہک اُٹھے نے پھل سارے دے سارے شاخساراں تے
خوشی دے نال ڈاچی رقص کر دی سی حلیمہ دی
جدوں سرکارِ دو عالم نے ہتھ رکھیا مہاراں تے
بنے فردوس صدقے مصطفے دے ریت دئے ٹبے
تے جنت سی اُتر آئی عرب دے ریگزاراں تے
میرے آقا نے آ کے کال کٹ دتے زمانے دے
ردا رحمت دی دتی مُصطفیٰ نے دلفگاراں تے
سی لنگھدی جاوندی جتھوں سواری میرے آقا دی
فرشتے کر آئے سجدے سی اوہاں رہگزاراں تے
میرے محبوب دے میلاد دی صائم خُوشی اندر
خُدا نے آج کرم فرماوناں ایس بیقراراں تے