مصطفے آئے فضاواں مست ہو گیاں
لے زُلفاں دے جد بوسے گھٹاوں مست ہوگیاں
پسینہ آیا جد سرکار دے والفجر مکھڑے تھے
مہک اُٹھیا جہاں سارا ہواواں مست ہو گیاں
جتھے سرکار نے چارے سی جا اجڑ حلیمہ دے
اوہ جو ہاں مہکیاں تے نال چاواں مست ہو گئیاں
جدوں دُھپ وچ میرے آقا دے سر تے آگئے بدل
اوہ دُھپاں دُھپ گیاں تے بن کے چھاواں مست ہو گیاں
نگاہواں جو نگاہ مصطفے دے نال ٹکرایاں
اوہ جھک گیاں تے بن کے التجاواں مست ہو گیاں
سراں نوں پیش انج کیتا سی آقا دے غلاماں نے
وفاداراں دیاں صائم وفاواں مست ہو گیاں