نام محمد صل علیٰ سوہنا مالک عرشاں دا ، فرشاں دا مُختار محمد
مُحمد پاک مُحمد شہِ لَولاک مُحمد
نبیاں دا سردار ہے سوہنا ، دو جگ دا مُختار ہے سوہنا
شان اوہدی لَولَاک لَما سوہنا مالک عرشاں دا ، فرشاں دا مختار محمد
مُحمد پاک مُحمد شہِ لَولاک مُحمد
جد سوہنا تشریف لیایا ، عرش سلامیاں دیون آیا
حُوراں آگیاں ہون فدا سوہنا مالک عرشاں دا، فرشاں دا مختار محمد
مُحمد پاک مُحمد شہِ لَولاک مُحمد
صُورت ہے والفجر پیاری ، اکھیاں وچ مازاغ دی دھاری
زُلف اوہدی والیل دوتا سوہنا مالک عرشاں دا، فرشاں دا مختار مُحمد
مُحمد پاک مُحمد شہِ لَولاک مُحمد
جگ دا والی رب دا ماہی ، لہندے چڑھدے اُسدی شاہی
مِلک اوہدی سب مُلکِ خُدا سوہنا مالک عرشاں دا، فرشاں دا مختار محمد
مُحمد پاک مُحمد شہِ لَولاک مُحمد
صائم اُسدے کُل نظارے ، سُورج وچ اُسدے لشکارے
اس دی تاریاں وچ ضیا سوہنا مالک عرشاں دا، فرشاں دا مختار محمد
مُحمد پاک مُحمد شہِ لَولاک مُحمد
شاعر کا نام :- علامہ صائم چشتی
کتاب کا نام :- کلیات صائم چشتی