نبی دے قدماں دے وچ کھلو کے پڑھاں درود سلام لکھاں
نبی دے قدماں دے وچ کھلو کے پڑھاں درود سلام لکھاں
میں ایہناں اکھیاندے بوہے ڈھو کے پڑھاں درود و سلام لکھاں
میں دیکھاں جا کے اوہ روضہ عالی اے جتھے وسدا دو جگ دا والی
میں لا کے کھیاں دے نال جالی پڑھاں درود و سلام لکھاں
ہے نبیاں دا اوہ امام سوہنا ہے پایا سوہنے مقام سوہنا
میں لے کے سوہنے دا نام سوہنا ، پڑھاں درود و سلام لکھاں
میں دل دے وچ نے ایہہ تاہنگاں رکھیاں مدینے جاواں میں نال سکھیاں
جاں دوروں ویکھن اوہ روضہ اکھیاں پڑھاں درود و سلام لکھاں
ہے جتھے بھر دے نے خالی کاسے تے غمزداں نوں ملن دلاسے
میں پھر کے روضے دے اسے پاسے پڑھاں درود و سلام لکھاں
مدینے والے دے در تے جائے سناواں دکھڑے میں گڑ گڑا کے
میں سرنوں قدماں دیوچ جھکا کے پڑھاں درود و سلام لکھاں
اے آقا جے توں کرم کما دیں تے کدی نیازی نوں وی بلاویں
میں ساوے گنبد دی بہہ کے چھاویں پڑھاں درود و سلام لکھاں