نبی دیاں رحمتاں دا در مدینہ
نبی دیاں رحمتاں دا در مدینہ
خُدا دیاں برکتاں دا گھر مدینہ
جیوں بھٹھی دے وچ جنگال سڑدا
ہے انج کر دیندا خالص زر مدینہ
جیویں کپڑے نوں دھوبی صاف کردا
دِلاں نوں صاف دیندا کر مدینہ
کِتے نہیں دیکھیا دُنیا دے اندر
جِویں جھولی نوں دیندا بھر مدینہ
شفاعت مومناں تے کردا واجب
تے لاہوے دوز خان دا ڈر مدینہ
مرے آقا نوں لے آغوش اندر
گیا اے حشر تیکر ٹھر مدینہ
کویں صائم رہوے ایتھے ہنھیرا
میرے دل وچ اے جلوہ گر مدینہ