رحمتاں دا تاج پا کے رُتبے ودھا کے
رحمتاں دا تاج پا کے رُتبے ودھا کے
گھلیا حبیب سوہنا رب نے سجا کے
رستیاں سلامی دتی آمنہ دے لال نوں
چکیا حلمیہؓ جدوں سینے نال لا کے
بڑے مغرور تے قبیلیاں دے چودھری
نیویں ہو کے بہہ گئے حضورؐ کول آکے
کویں دعوے کراں اوس در دی غلامی دا
جتھے جبریلؑ آوے سر نوں جھکا کے
ہنجواں دے موتیاں نوں اکھاں تے سجا کے
انج دیو حاضری مدینے وچہ جا کے
ماڑے تے نکمے جہے ظہوریؔ نوں نوازیا
وار وار سوہنے کول اپنے بلا کے