ساڈے ول سوہنیا نگاہواں کدوں ہونیاں
ساڈے ول سوہنیا نگاہواں کدوں ہونیاں
دسو منظور اے دُعاواں کدوں ہونیاں
اک اک ذرے وچ رکھیاں شفاواں نیں
بوسے تیرے قدماں نوں دتے جنہاں رہواں نیں
ساڈیاں نصیباں وچ او رہواں کدوں ہونیاں
ساڈے ول سوہنیا،نگاہواں کدوں ہونیاں
ہجر دے بیماراں نوں شفاواں کدوں ہونیاں
ساڈے ول سوہنیا،نگاہواں کدوں ہونیاں،
تِکھیاں جدائیاں دیاں ،دھُپاں دل ساڑیا
اینی گل دس دیو،خدائی دیا لاڑیا
دُھپاں کدوں مکنیاں تے چھاواں کدوں ہونیاں
ساڈے ول سوہنیا،نگاہواں کدوں ہونیاں
رو ،رو ساری عمر جدائی اچ گالی اے
ہُن ساڈی زندگی دی شام ہون والی اے
معاف ماہی ساڈیاں خطاواں کدوں ہونیاں
ساڈے ول سوہنیا،نگاہواں کدوں ہونیاں
ایہناں دا علاج ہے،دیدار سوہنے ماہی دا
عشق دے بیماواں نوں،دارو کوئی نی چاہیدا
عشق دے بیماراں نوں شفاواں کدوں ہونیاں
ساڈے ول سوہنیاں نگاہواں کدوں ہونیاں
آقا ایہو صدراں نے سینے وچ پا لیاں
چما گامیں جا کے کدوں روزے دیاں جالیاں
سجن اُتے تیریاں عطاواں کدوں ہونیاں
ساڈے ول سوہنیا،نگاہواں کدوں ہونیاں