ساریاں ستاریاں چ نُور آپ دا
جلوہ اے نکا جناں طور آپ دا
چاہیا جدوں اپنا جمال ویکھناں
کر دتا رب نے ظہور آپ دا
پُھلاں وچ مہکدی بہار آپ دی
خُلد وچ کیف تے سرور آپ دا
دل وچ میرے نے حضور وسدے
شہر بھاویں اکھیاں توں دُور آپ دا
مینوں وی مدینے چ حضور سد لئو
میں وی تے غلام ہاں حضور آپ دا
ربّ کر لیناں راضی نبی پاک نوں
جنتاں چ پہنچ جاناں پُور آپ دا
صائم ایویں سُنن والے کدوں جُھوم دے
شعراں وچ ہندا اے شعور آپ دا
شاعر کا نام :- علامہ صائم چشتی
کتاب کا نام :- کلیات صائم چشتی