سارے عالم کی تمنا شہِ مکّی مدنی
میرے بھی دل کا سہارا شہِ مکّی مدنی
ہے یہی ایک تمنّا شہِ مکّی مدنی
ہم نے دیکھا نہیں بطحا شہِ مکّی مدنی
ہر گھڑی رہتا ہوں میں مضطر دیدِ طیبہ
لُٹ چکی ہے مری دُنیا شہِ مکّی مدنی
بے نوا ہوں میں خدارا مرا کاسہ بھر دے
شاہِ عالم شہِ والا شہِ مکّی مدنی
یہ مری زیست مری جاں مری عزت مرا علم
ہے ترے نام کا صدقہ شہِ مکّی مدنی
یہ مہ و انجم و خورشید بھلا کیا شے ہیں
آپ ہی سے ہے اُجالا شہِ مکی مدنی
ابھی کردے گا سفینہ مرا ساحل کے قریں
ایک ادنیٰ سا اشارہ شہِ مکی مدنی
رات دن رکھتی ہے بہزؔاد کو مہجور و تپاں
یہ تمنائے مدینہ شہِ مکّی مدنی