ساریاں رسولاں دا سنگھار سوہنا آگیا
ساریاں رسولاں دا سنگھار سوہنا آگیا
بن کے زمانے دی بہار سوہنا آگیا
ہتھ نے یداللہ اوہدے لباں تے قرآن ایں
اوہدے نال سج گیا سارا ای جہان این
فرش اُتے عرش دا وقار سوہنا آگیا
بن کے زمانے دی بہار سوہنا آگیا
آپ رہ کے بھکھے جہنے جگ نوں رجاؤنا ایں
ساڈے جہیاں کوہجیاں نوں گل نال لاؤنا ایں
ٹٹیاں اوہ دلاں دا قرار سوہنا آگیا
بن کے زمانے دی بہار سوہنا آگیا
لجپال نبی سوہنا لگیاں نبھائے گا
دھکے کھان والیاں نوں سینے نال لائے گا
ونڈ دا یتیماں نوں پیار سوہنا آگیا
بن کے زمانے دی بہار سوہنا آگیا
صدقہ حبیب دے میلاد دا لٹاندا اے
منگتیاں دی جھولی اللہ پاک بھری جاندا اے
جھولیاں لئو تسیں وی کھلار سوہنا آگیا
بن کے زمانے دی بہار سوہنا آگیا
عید اج عاشق رسول پئے مناندے نے
جھلے ایویں گھریں بیٹھے کئی سڑی جاندے نے
بن کے ایمان دا معیار سوہنا آگیا
بن کے زمانے دی بہار سوہنا آگیا
صائم اوہدی یاد بیڑا پار کر گئی اے
ہنجواں دے نال میری جھولی بھر گئی
آکھاں آگے اوس دا دیار سوہنا آگیا
بن کے زمانے دی بہار سوہنا آگیا