طہٰ دی شان والیا عرشاں تے جان والیا
طہٰ دی شان والیا عرشاں تے جان والیا
کیڈا سوہنا نام تیرا اُچا اے مقام تیرا
سُچا اے کلام تیرا آئتاں سُنان والیا
تذکرے نے عام تیرے ہُندے صبح شام تیرے
بادشاہ غلام تیرے بکریاں چران والیا
شان تیرے بلے بلے رب وی سلام گھلے
ویریاں دے پیراں تھلے چادراں وچھان والیا
سدا بے سہاریاں نوں غماں دیاں ماریاں نوں
ماڑیاں وچاریاں نوں سینے نال لان والیا
دل دی آس پوری ہوئی دور میری دوری ہوئی
حاضری ظہوریؔ ہوئی روضے تے بلان والیا