زمانے سے بڑھ کر حسیں ہے مدینہ
زمانے سے بڑھ کر حسیں ہے مدینہ
سنو رونقِ عالمیں ہے مدینہ
زمانے میں اس کو جو عزت ملی ہے
نبی کے کرم سے نگیں ہے مدینہ
مرے مصطفیٰ جس بشر کے ہوں دل میں
ادب سے ملو تم وہیں ہے مدینہ
جہاں بس رہے ہیں مرے کملی والے
وہ ہر اک نگر سے بریں ہے مدینہ
تبھی شانِ دھرتی پہ حیراں فلک ہے
محمد کے تن کا امیں ہے مدینہ
وہاں پیارے احمد نے سجدے کئے ہیں
جہانوں سے ارفع کہیں ہے مدینہ
تو حبدار قائم بتا دے سبھی کو
زمیں کے یہ تن کی جبیں ہے مدینہ