سجنوں آیا اے ماہِ رمضان
سجنوں آیا اے ماہِ رمضان
نازل ہویا ایس مہینے اللہ دا قرآن
کیڈا سوہنا وقت اَ سحور اے, ایدا ہر ہر لقمہ نُور اے
سحری ویلے اُٹھ کے ویکھو , رحمت دی باران
ایس مہینے دی شان نیاری , رل مل کر لو گِریا زاری
رحمت دے دروازے کُھلے , بند ہویا شیطان
ساڈا بن مہمان ہے آیا , رحمتاں برکتاں نال لیا یا
اس دی عزت کر کےمن توں , مدنی دا فرمان
برکتاں والے پھیرا پایا , قسمت نال ہے فیر آیا
راضی اس مہمان نوں کرلو, راضی ہووئے رحمٰن
میری گل نوں سمجھ نہ ہاسا ، زندگی دا نئی کوئی بھرواسا
روضے رکھ کے سنگیو کرلو ، بخشش دا سامان
ماہِ رمضان دے ویکھ نظارے، خوش ہوندے نے مومن سارے
ہر ہر گھر قرآن دے چرچے ، واہ رمضان دی شان
خوب ہے افطاری دا ویلا ، مسجداں دے وچ لگ گیا میلا
نعمت کھاؤ شکر بجاؤ ، رب کیتا احسان
ماہِ رمضان دی عزت کرلو ، جھولیاں رحمت دے نال بھر لو
حشر دے دن ضامن ہوسی ، اے سوہنا ذیشان
مسجداں ویکھوں ہویاں آباد اے ، خالد دا دل ہویا شاد اے
صدقہ پنجتن پاک دا شالہ، راضی ہوئے مہمان