فخرِ عالم شہِ زمین و زماں
نُورِ جاں نُورِ دیدۂ ایماں
راکبِ دوشِ قاسمِ کوثر
شہریارِ دیارِ تشنہ لباں
دشتِ غُربت کا رہروِ تنہا
سو ختہ جان و سوختہ ساماں
دل فگار و جگر فگار و حزیں
دوختہ لب ملُول و خشک زباں
آشنائے جفا، شہیدِ وفا
بے نیازِ جہانِ سُودو زیاں
پیکرِ عزم و ہمّت و ایثار
سر سے پا تک مروّت و اِحساں
آج پانی کی بُوند کو تر سے
بحر و بر جس کے تابعِ فرماں
اک معمّہ ہے اُس کی تشنہ لبی
جس کی ٹھوکر میں چشمۂ حیواں
اعظؔم اُس شاہ پر کروڑوں سلام
جس کا غم ہے نجات کا ساماں
شاعر کا نام :- محمد اعظم چشتی
کتاب کا نام :- کلیاتِ اعظم چشتی